មន្ត្រី​គណបក្ស​ហ្វ៊ុនស៊ិនប៉ិច​ថា មិន​ចាប់អារម្មណ៍​ចំពោះ​ការ​ចងសម្ព័ន្ធភាពរ​វា​ង​គណបក្សនយោបាយ​៣

​ចំពោះ​ការ​ចងសម្ព័ន្ធភាព អ្នកប្រជាធិបតេយ្យ​ខ្មែរ​របស់​គណបក្សនយោបាយ​ចំនួន​៣ ដែល​បាន​ប្រកាសឡើង​នាពេល​ថ្មីៗ​នេះ ដែល​ក្នុងនោះ ក៏មាន​ក្រុម​ញឹក ប៊ុនឆៃ គឺ​គណបក្ស​ខ្មែរ​រួបរួម​ជាតិ​ផងដែរ ត្រូវបាន​គណបក្ស​ហ្វ៊ុនស៊ិនប៉ិច បាន​សម្តែង​ការមិន​ចាប់អារម្មណ៍ ដោយសារ​យល់ថា ការ​ចងសម្ព័ន្ធភាព​អាច​នឹង​ឆាប់​សាប​ទៅវិញ បើសិន​ធ្វើ​ការមិន​ច្បាស់លាស់​។​
​ឧបការី​សម្តេចព្រះ​ប្រធាន​គណបក្ស​ហ្វ៊ុនស៊ិនប៉ិច និង​ជា​ប្រធាន​ក្រុមការងារ​ខេត្តពោធិ៍សាត់ លោក អ៊ា ឃី​ម៉េង បាន​ឲ្យ​ដឹង​នៅ​ថ្ងៃទី​២៣ វិច្ឆិកា ឆ្នាំ​២០២០​ថា ជំហរ​គណបក្ស​ហ្វ៊ុនស៊ិនប៉ិច មកដល់ពេលនេះ មិនទាន់មាន​ការចូល​រួម​ចងសម្ព័ន្ធភាព​ជាមួយ​គ​ណ​បក្ស​ខ្មែរ​រួម​រួប​ជាតិ​នោះទេ​។​
​លោក​បញ្ជាក់ថា “​យើង​មិនទាន់មាន​ការប្រកាស​ណា​មួយ​ជា​ផ្លូវការ ក្នុង​រូប​រួមជាមួយ​គណបក្ស​ខ្មែរ​រ​រួបរួម​ជាតិ​នោះទេ​។ អ្វីដែល​គេ​និយាយ​ជា​សិទ្ធិ​របស់គេ តែ​ជាក់ស្តែង​យើង អត់​មាន​រួបរួមគ្នា​នោះទេ​”​។​
​លោក​ក៏បាន​លើកឡើងថា ចំពោះ​ការ​ចងសម្ព័ន្ធ​របស់​គ​ណ​បក្ស​ទាំងបី​មាន​គណបក្ស​ខ្មែរ​រួបរួម​ជាតិ គណបក្ស​សំបុក​ឃ្មុំ​សង្គម​ប្រជាធិបតេយ្យ និង​គណបក្ស ខ្មែរ​តែមួយ​រួមគ្នា​ដាក់ឈ្មោះ​សម្ព័ន្ធភាព​អ្នកប្រជាធិបតេយ្យ​ខ្មែរ​ថា “​ខ្ញុំ​មិនមែន​ការចាប់អារម្មណ៍​អ្វី​នោះទេ ពីព្រោះ​នេះ​ជា​សិទ្ធិ​របស់​គណបក្សនយោបាយ​ក្នុងការ​ចងសម្ព័ន្ធភាព​គ្នា ក៏ប៉ុន្តែ​ខ្ញុំ​មិន​ចាប់​អារម្ភ​ទេ ពីព្រោះ សម្ព័ន្ធ អ្នកប្រជាធិបតេយ្យ​យើង​គិតថា បើ​គណបក្ស​ទាំង​៣​ធ្វើ​ជាមួយគ្នា​ដោយ​បេះដូង​ឆ​ន្ទះ នោះ​សម្ព័ន្ធ គង់វង្ស ប៉ុន្តែ​បើក​ចូលរួម​ហើយ​ធ្វើ​បានតែ​២ ឬ​៣​ខែ​ហើយ​បាត់ទៅ​វិញ​គឺ​មិនល្អ​ទេ​។ កន្លងមក យើង​ធ្លាប់​ឃើញថា មានការ​ចងសម្ព័ន្ធ​គ្នា​តែ​មិន​ទទួលជោគជ័យ​ឡើយ​”៕

​​

Related posts

Leave a Comment